Cuncorsu Musanostra in corsu Ghjuvanni Albertini ringrazieghja…

Quist’annu (7esima edizione )
1 – primu :  In famidda , di Ghjan Lucca Panti  (26 pti)
2- Lotta è libertà , di Ghjan Marcu Riccini  (19 punti)
3- Quella faldetta à farfalle,  di Lucia Andrei  (17 punti)
 

Salute à tutti,

Ghjuvanni Albertini, presidente di a ghjuria di u cuncorsu di lingua Corsa, Musanostra, ringrazieghja cun piacè  i participenti chì si sò impegnati indu a scrittura di i tema pruposti quist’annu, u secretu è u cumbattu. Ringraziemu dinù i menbri di a ghjuria, chì ogn’annu piglianu tantu tempu cù santa pacienza è primura, per leghje è valutà , l’originalità, a qualità di a spressione, u rispettu di i tema è altre cunsigne.
Quist’annu fù l’occasione pè i lettori, di scopre cun maraviglia scrittori di prima trinca, moltu più chì u più giovanu ùn hà ancu diciott’anni. Ma, avà ch’elli ci anu messu in suchju, speremu ch’ellu sbucci à pass’andà d’altri talenti scunnisciuti.
Da ramintà vi dinù chì, u primiatu di quist’annu tuccherà 500 €, è chì i trè primi scritti seranu publicati frà pocu indu a rivista musa nostra.

Allora, ventu in poppa à quelli chì a si sentenu pè quist’annu chì vene.
                                                                                                                        Ghjuvanni Albertini.

 
 

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *