Loca cari, Marc Antoine Faure Colonna d'Istria, puesia

Loca cari
Ch’elli sbrullinu li risi
Da le muntagne è le piaghje,
Focu, granone è paradisi
Ross’è belle e fraulaghje.
U mare lisciu, è chjaru
Duve voga lu batellu,
Velu sbrogliu è barbaru,
Foscu cum’è l’urfanellu.
Alecru, passò lu vranu
– Sunniendu à crestadoppiu
Cum’è nuta lu perlanu –
‘Jornu di maladoppiu.
Acqua per u fiumicellu
È per ‘sse capre la vena,
Ciruleu, cusì bellu,
Lu so mondu, senz’avvena.
 

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *