L'amore, puesia di Cathy Campana

L’Amore
A ricerca di l’umanu
Hè fatta solu d’Amore
Per trovà un’altra manu
Ghjorn’è notte ellu corre
Pò girà u mondu sanu
Bramendu lu so calore.
Ùn ci hè più grande furtuna
Ne tesoru più stimatu
Chè una vita cumuna
Pè u sempre cù l’amatu
Cum’ella hè dolce sta funa
Chi lega l’innamuratu
St’amore à tutti tocca
Da i vechji à i zitelli
Li mette a risa in bocca
E scimisce i cerbelli
In sta bella filastrocca
Ci volenu esse anch’elli.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *