Tempu è tempi Cu'ssu caldu, J Stuart

** CU ‘SSU CALLU . **
– – – – – – – – – – – –
Oghje sippuru cu ‘ssu callu
‘Ssu Vaghjime pare l’Estate
Chi di pudè paragunàllu
Nun si ne cambia ‘sse stundate
Dendu quantunque sudori
Po’ di più quelli strappacori .
In BASTIA ma cume prima
Di fattu nun campa nisunu
Or’ cu ‘ssu tempu chi nun rima
Cu ‘ssu versacciu a caprunu
Per un dànne sudisfazione
Magaru si nu ‘ssa staggione .
A quandu tant’e più ci piove
Po’ sinnô ne soffia ‘ssu ventu
Straziendullu a chi si move
In ogni logu qualchi tempu
Di ‘jornu pur’a l’ispensata
Inde sè o a l’operata .
Eccu dunque ciô ch’ell’accade
Cu ‘ssi calori ch’o n’avemu
Nu ‘ss’epuca di trafäriate
Chi si spera ci francheremu
Un ghjornu forse cu pazienza
A fin’ di godene ‘ssa scenza .
== JAMES STUART . ==

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *