== E NOSTRE STONDE IN * SAN LURENZU * ==

.1.

In SAN LURENZU quante volte
Ci simu andati a piscà
Cu ‘sse maniccie o ‘sse stolte
Parechje truite pe’ manghjà
Chi quesse tandu belle cotte
Ghjeramu cuntenti d’assaghjà .
.2.
Car’ ARRIGU ti n’arricordi
Or’ tu dinu di tante stonde
Nu ‘ssu mentre nemmancu sordi
Inciuttati cusi nu l’onde
Quandu LURENZU pront’a l’orli
Cummandava cu mani monde .
.3.
Di siguru per noi lesti
Cu ‘ssa voce ch’o sentiamu
Senza firmàssi a l’arresti
E nostre mani circavanu
Prest’in l’acqua di quelli pozzi
‘Sse truite chi ci stavanu .
.4.
Pigliendune parechje cusi
Nun si ne patia stanchezza
Chi sempre cu ‘ssu fiatu di si
S’o n’appigliavamu cu vitezza
Da zitelli pudiamu dî
Cumu si gode d’allegrezza .
.5.
D’avè gosu in zitellina
Oghje quantunque mi n’ammentu
Chi for’ di qualchi medicina
Ci francavamu di spaventu
Quandu di fattu per ruina
Patiamu nu ‘ssu mumentu .
.6.
A l’eplica ogni stagione
O! probiu quanti ch’o n’eramu
Noi altri tra tante persone
Per di veru chi curriamu
Nu ‘ssi chjassi a capulone
Cu ‘ssu laziu ch’o n’aviamu .
.7.
Car’ amighi sta vita corre
Ci ne porghje parechji guai
Per suspiri senza succorre
E ‘ssa speränza manc’assai
Tra ‘ssu Mundacciu ch’unn’ha core
S’ellu si strazia più che mai .
.8.
Ci n’era puru quella volta
Ma tanta ‘jente in paese
In vita cusi bè disciolta
D’approntu sempre cu difese
Nu SAN LURENZU a l’accolta
Pe’ paràssine nu ‘sse stese .
.9.
Avà perciondi chi sô vecchju
Magaru sempre ci ne pensu
Chi fighjendumi nu ‘ssu specchju
Nun stô più di listessu sensu
Prestu di si seraghju crecchju
Po’ luntanu di SAN LURENZU .

.
** JAMES STUART . 28 – 11 – 2019 . **

.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *