Chì piace per a squadra di Musanostra di truvassi à l’invitu di a bibbiuteca di l’Università di Corti per u mumentu di sciambiu incù  Ghjilormu Padovani, autore  di « À l’alba di u cantu » (Albiana).

 Stu libru ripiglia centu trenta canzone cunnisciute da u 1960. Ghjilormu Padovani, 
ghjurnalistu, passiunatu di storia è di musica, ci spiega l’inghjennatura di sti scritti.

Ghjilormu hà pussutu discorre incù tutti i scrittori è pueti autori di i canti racolti, per megliu faci ne capisce a storia è a dimarchja.

 « À l’ Alba di u cantu » hè un spechju di l’evuluzione di a Corsica. Ci entrenu in ballu : canzone di sucietà, puemi d’amore, canti pulitichi, umaghji à ghjente, riferenze storiche è ancu, tante altre volte, canti in leia cù a natura.

 Discorre incù Ghjilormu Padovani fù un piacè tamantu per noi,  per i studienti, i prufessori è a direttrice di a bibliuteca.. Hà sappiutu, l’autore, cun armunia, simplicité è amore,  dacci a voglia di leghje….é di canta.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *