Affichage : 1 - 4 sur 4 RÉSULTATS
Articles

PER GHJUVAN’ LUCCA LUCIANI …………………………………

==Ghjacumu Stuart 

           .1.
      Cu ‘ssu spiccu San Lurenzincu
      Mi n’appigliu qui da BASTIA
      Di si per l’omu niulincu
      Imbramatu di puesia
      Chi li ne porghju sti filari    
      Tutti quanti lindi e pari .
           .2.
      Per caggione ma cume prima
      Tengu contu di l’armunia
      Fendula corre incu rima
      Senza strappàssi una cria
      Quandu parechje strufulate
      Parenu puru bè stagliate .
           .3.
      Ver’ di Babbone cu sumiglia
      Di a Musa ne vo a latu
      Po’ cu l’embiu chi nun scumpiglia
      M’inzirmu tant’aggalabatu
      Rispettendu magaru l’ärte
      Pien’ di splendore ogni pärte .
           .4.
      Nu stu Corsu di naturale
      Possu cumpone ma perciondi
      Un bonu versu chi più vale
      Cu parulle di ‘ssi circondi
      Pe’ tuccà l’änima d’ognunu
      S’ell’unn’è di stintu caprunu .
           .5.
      Sta Lingua Corsa ch’o prategu
      Cu i mei l’aghj’amparata
      Nemmanc’avale nun a negu
      Pront’e lestu per l’impicciata
      Tramez’a tutti cu bon’ gärbu
      Cusi sempre di più cu nerbu .
           .6.
      Quante volte nu a miô vita
      Incu l’estru mi sô sfugatu
      O! cu piäcè sinnô per lita
      Cu ‘ssa Musa sippur’a latu
      Pe’ indittà in puesia
      Ciô ch’o pensu cu qualchissia .
           .7.
      L’indule probiu di famiglia           
      Di paru cu me corre dinu
      S’ell’un ne va cu strapp’e piglia
      Quantunque destu in caminu
      Ne facciu sente ‘sse canzone
      Chi di siguru sô cumpone .
           .8.
      Secondu ogni crcunstänza
      Impennu prestu cu manera
      Passiunatu po’ per pacienza
      Lasciu corre ‘ssa strampalera
      Incu ghjustezza chi più vogu
      Tante volte per ogni logu .
           .9.
      Figliulinu di SANDULETTA
      Di ‘ssu TRIBBIU in SAN LURENZU
      ‘Ssa puesia benedetta
      A sfug’anch’eju cume nënzu
      Bon’ puetu tra ‘ssi catagni
      O! GHJUVAN’ LUCCA LUCIANI .

   

                 

                    *********

Articles

== L’ANTIGU MUDELLU. ==

     par Jacques Stuart
.

      Dipoi tandu da zitellu
      M’appigliu cu la puesia
      Inzirmatu da qualch’appellu
      Ne vo per casu nu ‘ssa via
      Po’ di siguru cu cerbellu
      Speru chi male nun ci sia
      Quand’un l’impennu per sfracellu
      ‘Sse parulle di fantesia
      Chi teng’a l’antigu mudellu .
.     

      Si ver’ di LERIA la miô Mamma
      Or’ sippuru nata FILIPPI
      Ne sô parechji cu ‘ssa fiamma  
      Chi li vene bè da l’antighi
      Sfughenduci la puesia
      E tante volte cu l’amighi
      Fendune sente l’armunia
      Di ogni rima cu ‘ssi filari
      Pe’ dànne spessu l’allegria .
.
      Da la pärte di lu miô Babbu
      DUMENICU chjamendunesi
      STUART cu ‘ssa casata dinu
      Ci ne sô li bon’ musichenti
      Tra ghjente po’ pastori di più
      Chi d’altri pärtuti culandi
      Nu ‘ssi loghi per u travagliu
      Senz’avèccine l’äria di qui
      A chi sà ciô ch’elli patenu .
.
      O! quante stonde si ne gode
      Accant’a quelli chi cantanu
      ‘Ssa puesia incu lode
      Chi piäce cum’elli facenu
      Li serinati a ‘sse donne
      Po’ le nanne ch’adrumentanu
      Bambinelli e ciuciarelle
      Chi cusi sempre bè seranu
      Pur’ d’un seguità d’altre mode .
.
       8-3-2019.

Articles

Tempu è tempi Cu'ssu caldu, James Stuart

** CU ‘SSU CALLU . **
– – – – – – – – – – – –
Oghje sippuru cu ‘ssu callu
‘Ssu Vaghjime pare l’Estate
Chi di pudè paragunàllu
Nun si ne cambia ‘sse stundate
Dendu quantunque sudori
Po’ di più quelli strappacori .
In BASTIA ma cume prima
Di fattu nun campa nisunu
Or’ cu ‘ssu tempu chi nun rima
Cu ‘ssu versacciu a caprunu
Per un dànne sudisfazione
Magaru si nu ‘ssa staggione .
A quandu tant’e più ci piove
Po’ sinnô ne soffia ‘ssu ventu
Straziendullu a chi si move
In ogni logu qualchi tempu
Di ‘jornu pur’a l’ispensata
Inde sè o a l’operata .
Eccu dunque ciô ch’ell’accade
Cu ‘ssi calori ch’o n’avemu
Nu ‘ss’epuca di trafäriate
Chi si spera ci francheremu
Un ghjornu forse cu pazienza
A fin’ di godene ‘ssa scenza .
== JAMES STUART . ==

Articles

== 'SSA CUPPA DI U MONDU . ==

par Jacques Stuart
………………………..
.1.
Avà ‘ssa cuppa di u Mondu
L’ha vinta ‘ssa squadra di FRANCIA
Chi ghjoga cu ‘ssu ballô tondu
Cusi bè po’ nemmancu stancia
Di corren’in ogni circondu
Induve prestu ci si lancia
Sempr’appressu da cim’a fondu
Di siguru cu ‘ssa rilancia
Pe’ sfrancàssine d’un sprufondu.
.2.
Inc’a vittoria bella fiera
‘Ssa manata di ghjugadori
Dinu cume per a bandiera
Sfughendune tanti rimori
A ci mostra sippur’altiera
O! ‘ssa cuppa chi cu sudori
Per a nazione quess’intiera
Dop’a parechji clamori
Li vene di for’a fruntiera.
.3.
Or’ per di veru sô cuntenti
Quell’omi pieni di passione
Ma chi perciondi cu talenti
Pe’ ghjugàccine d’attenzione
Nun li facenu gran’ spaventi
In currendu nu direzzione
Senz’avè mancu giramenti
Probiu tandu si per lezzione
N’appiglianu tra ‘ssi currenti.
.4.
S’elli ne sô di tante razze
Nu ‘ssa squadra cu ghjugadori
Vulend’avènne pien’ di tazze
Li ci lampessinu licori
Di quesse bone scelte cu salze
Pe’ fà dannà cusi l’onori
Di quelli si chi nu cabbalze
Po’ dinu ma nentr’a cori
Un ne patenu stonde pazze.
.5.
A riteneran’a l’ammente
Pur’in FRANCIA bè ‘ssa data
Si più d’unu quant’un sapiente
Ne parlera tutt’a ‘jurnata
Pe’ cuntànne ciô ch’ella sente
L’andatura cusi ghjugata
Di siguru ind’u presente
Circhend’a piglià ‘ssa lampata
Di ‘ssu ballô pogu pisente.
.6.
Di ‘ssu duiemila diciottu
Nun si ne scurderanu tanti
Al di fora o a l’aggrottu
Pur’ d’un esse di par’a santi
Prufittendu di ‘ssu biscottu
Quand’elli ci stanu davanti
Pe’ sente cum’un ghjuvanottu
Ciô chi si dice per giganti
D’un ghjogu bè di zirbinottu.
.
** JAMES STUART. 17-7-2018. **