Participemu cu gran piacè à l’edizione 2022 di a Festa di a nostra lingua ! Cun voi !

-Da u 2 à u 26 di nuvembre : Cuncorsu di lettura in Corsu. Risultati u 30 

-5 11 : Contrastu à 3 ore. Bibbiuteca patrimuniale di Bastia. Tematica :
i Giuvannali

-5 11 à 4 ore : Scontri in caffè , cu l’associu Lingua è cultura corsa è J Y Casalta, Bastia,
Café du centre

-10 11 : Publicazione d’ un scrittu sceltu, creazione di GP Casta (A cumparsita, situ di Musanostra)

-12 11 : In Calacuccia, cù l’associu Aghja Grisgia, riceveremu à Antone Marielli, à 5 ore : Literatura è canzone

-19 11 : Publicazione nantu’à u situ di Musanostra , secondu scrittu sceltu di D Delogu

-13 11  : publicazione nant’à u situ di Musanostra di documenti filmati è audio : I Giovannali è u cuncorsu di lettura in Corsu

-30 11 : Prisentazione di u ibru A carrega , Jean-Philippe Toussaint, traduttu da Francis Beretti (Musanostra Edizione)

-Nanzu à u 5 di dicembre : cucina corsa in liceu , E frappe

________________________________________________________________________________________________________

Festa di a lingua

Dui belli appuntamenti u 5 di nuvembre :

Stu 5 di nuvembre à 4 ore, dopu avè participatu à un scontru chì trattava di i Giuvannali à a bibbiutteca patrimuniale à 3 ore, ci simu trovi à u Café du centre, in Bastia, cù l’ associu Lingua è cultura corsa, chì ci organizeghja scontri culturali in corsu ogni sabbatu .
G Y Casalta ne era l’nvitatu
Pò ognunu hà dettu a soia è avemu avutu u piacè di participà à stu scontru fattu d’amicizia è di spartera.
À ritruvacci u 30 per i risultati di u cuncorsu di lettura in corsu.‌

__________________________________________________________________________________________________________

 « I Ghjuvannali, trà storia è legende » Anna-Maria Sammarcelli

Per l’ edizione 2022 di a Festa di a Lingua aghju sceltu d’ interessà mi à i ghjuvannali ; una parte maiò di u nostru patrimoniu religiosu, storicu è culturale : sujettu appassiunante !

U miò scopu fù di scuntrà quelli chi si sò impegnati indè a cuniscenza di stu fenomenu  nustrale , per pruvà di cunosce lì appena megliu…

Quale eranu i ghjuvannali ?

Vultemu ci nè dunque tempi fà…

Prima di tuttu, un ringraziu tamantu à Alain Mondoloni di Carbini

Aghju passatu prima una stonda in paese di Carbini, locu di nascita,« veculu » di stu muvimentu dissidente di a ghjiesa catolica  in u Medievu.

Una stonda in cumpagnia di un sturianu amatore lucale, Alain Mondoloni.

Passiunatu di u so paese , à l’iniziu di è so ricerche s’hè giratu versu l’anziani  di a so pieve. I vecchji, ultimi depositorii di una tradizione urale, l ‘ annu insignatu pizzatelli  di stu passatu tremendu. Mà troppu pocu per stutisfà a sò curiosità … è per sape nè di piu ,  ha cuminciadu a scavà u passatu ; a sò passionne hè nata cusi ! 

Second’ à ellu , a storia ufficiale s’hè sbagliata parechje volte , per via di sturiani pochi serii, o puru ancu …. fantesisti !

Alain Mondoloni è Lucia Memmi

Bibbiuteca Patrimoniale di Bastia

Per a seconda parte di stu picculu cartulare mi sò girata versu à Linda Piazza, Anne Meistercsheim è Paul Turchi Duriani ; fù una stonda di cuntrastu chi cì ha persmessu di capisce chì a storia di i ghjuvannali hè stata sminticata, sfassata di a nostra memoria isulana durante seculi…. 

È poi , famosi sturiariani , circatori  ,scrivani( Antone Filippini, Prosper Merimée, Alexandre Grassi, Dorothy Carrington, Geneviève Morachini Mazel, François de Lanfranchi  , Francis Pomponi ) sò ghjunti in Carbini à circà è trace di stu passatu .

Mà in fattu, annu trovu poche cose…. a maiò parte  di sta storia – religiosa o prufana – ferma sempre misteriosa ; è per sbuchjà u secretu ci vulerebbe à vultà sin’à a surgente … u Vaticanu ! È di piu, ùn si po parlà di una storia unica ( ufficiale è sapiente) mà di parechje verità ; chi ogn’ una riflette un cuntestu particulare , quasi persunnale liatu à quellu chi scrive : credenza religiosa, sucieta, pulitica, imaginazione…

Fermeremu dunque forze sempre trà storia è legenda, trà realita è mitu…

Al’ di là , un fattu essenziale  : a nostra cultura s’hè impatrunita di a memoria … 

I ghjuvannali annu stampatu a literatura , u teatru, a canzona ;  inspirazione ,  ricchezza di parecchje opere  – dapoi  a cronaca di Giovanni della Grossa ( primu testu scrittu a u 15mu séculu ) ,  Pierre Dominique Luchini « le camp des Giovannali » ( nuvella )  ,  « Kyrie Eleison » de Marie Jean Vinciguerra ( puesia ), Louis Georgi « les âmes de feu » ( teatru ),prete Mucchielli  ( dettu Rampinu )  « l’Antigone corsa di Ghisoni » ( contu ), Fernand Ettori (  antulugia di e sprezzione corse ) … sin’ à u rumanzu pulizzeru «  le tueur de douleur » di Marie Hélène Ferrari è à « i ghjuvannali » di Canta u populu corsu….- 

È ci ferma d’elli al menu quessa …

Un Ringraziu tamantu à 

  Linda Piazza, Anne Meistercsheim è Paul Turchi Duriani !

Anne-Marie Sammarcelli, Paul Tuchi-Duiani, Anne Meistersheim, è Linda Piazza

c

Scontru in Caffè , Café du Centre, Bastia

Cù l’associu Lingua è cultura corsa

U publicu hà pussutu cunnosce megliu à J-Y Casalta, prufessore, musicante, responsevule di a struttura di voce in corsu per filmi, Fiura mossa.
Invitatu da Cathy Campana chì face l’animazione di sti mumenti, hà spiegatu ciò ch’ ellu face à pro di a lingua è di u patrimoniu.

Vous pouvez également aimer :

Laisser un commentaire

Votre adresse e-mail ne sera pas publiée. Les champs obligatoires sont indiqués avec *