Ghjiseppu Antò Salviani

Ghjiseppu Antò Salviani, Prufessore di lettere in liceu, scrivanu, pittore .

Dapoi a so prima publicazione in 2015, face parte di sta nova generazione d’autori di literatura nustrale. I so scritti diversi sprimenu una creazione originale, un’ ispirazione libera è curiosa : sfarenti tema è sujetti , d’eri , d’oghje, di quì è d’altrò. Testimonianza di a so epica è vulintà di sparte, eccu i so scopi :

Par : Anne Marie Sammarcelli

Eccu dunque un picculu riassuntu di a so bibliugrafia :

Donne moi des nouvelles de Corse 2015, Ed EDILIVRE, nuvelle .

Dece piccule nutizie scritte in francese, chi contanu a nostra Corsica, sin’ à l’anni settenta. Quella di i nostr’antichi. Un sguardu nant’a ruralità, trà persunnaghji autentichi è una vita simplice, fatta di gioie è di guai.

___________________________________________________________________________________________

A passi minuti 2018, puesia. Scritte cun Patriziu Croce

Prima di tuttu , una storia d’amicizia : dui autori, mà lu stessu spiritu; spartendu a vulintà di sprime in a sò lingua tutti ciò chi face à  sò Corsica ; fiure quasi spente di un locu chi smaricce pocu à pocu , lascendu solu stracce d’un spiritu chi fù…

U tittulu figura una spassighjata, metafora di u caminu seculare chi c’hè vulsutu à fà  per vive, per rinvivice sta mimoria cara, per scrive la. 

Ottenta pagine di puesia. Sei parte : L’ amore, u tempu, i lochi …Illustrazione è testi senza traduzione,  pè figurà ció ch’elli vedenu, ció ch’elli sentenu in lu so core.

Da leghje ancu : O chì vacanze di natale ! scrittu da Ghjiseppu-Antò Salviani

___________________________________________________________________________________________

Vultèra 2019, teatru Stamperia SAMMARCELLI

Pezza di teatru bislingua.chi conta a storia di un ghjuvannottu, Ghjuvan Pè, vultatu di a guerra di u 14 ; scumette qualch’anni dopu, di fà vultà in paese a salma di u so amicu Luigi mortu culà, « tombu per l’esempiu » da l’armata.

Un’umagiu à tutti i suldati smariti nant’à u fronte.

___________________________________________________________________________________________

Nensengimana enfant de la balle 2021, rumanzu, edizione THE BOOK EDITION

Storia chi tratta di i guai di a guerra civile di u Rwanda trà Utu è Tusti.

U zitellettu Nensengimana, cerca di francà u Méditerranéu per ghjunghje in Europa…Eterna storia di tutti sti disgraziati chi fughjenu l’infernu d’un paese insanguinatu, da un cunflittu scemu.

È prestu vi parleremu di a sò ultima paruzione  ( in marzu 2023 ) Pane untu è frastornu, una pezza a di teatru.