Puesia Letizia Cosimi Stagione

Stagione
U svegliu di a natura
Nant’à a vita s’hè pisatu
È a belezza di a virdura
Sguassa u celu marturiatu
VERANU dà a so primura
Cum’un sonniu incantatu
È chjama trà l’alburatura
U primu acellu innamuratu…
Hè l’ora ind’è a bughjura
Di fà cantà u pergulatu
Chì a so bella andatura
Face nasce u serinatu
L’ESTATE pare una fiura
È u sole l’hà mintuatu
È a racolta à a chjarura
Rende a gioia à u spenseratu…
U ventu per chjusura
Pare esse trafariatu
Cum’un segnu di a natura
Cù u so pugnu pisatu
L’AUTURNU « bella pittura »
Dicia lu nostru antenatu
È porta sin’à l’altura
U so culore pimentatu…
Avà hè ghjunta l’aria pura
À u paese abbandunatu
Ùn ci hè ch’è silenziu è friscura
Un gustu d’un cundannatu
L’INGUERNU senza paura
Sott’à u celu casticatu
Dà l’ultima misura
D’un paisagiu firmatu…
Letizia COSIMI

Disegnu di Patriziu Croce